最近興番d頸鍊手鍊, 款式好靚, 襯落淨色衫度, 就好似衫的一部份咁, 令件衫, 甚至個人都亮麗好多.

分享吓我的鍊啦：

左邊的係唔係好閃, 好型, 又好浮誇呢? 哈哈！右邊的就完全相反, 走優雅甜美路線 (證明我有d精神分裂)

頭先條甜美鍊可以變款, 將個鍊咀拆落來, 換落條簡單的銀鍊度; 至於條粉紅珍珠鍊, 就mix落一條清雅的銀鍊度

左邊的手鍊買咗超過5年, $10咋!!, 唔好睇少佢, 高貴得來又型, 好易襯衫! 右邊的頸鍊係買衫送埋的.

左：粉紅手鍊$12咋!! 右：呢個鍊咀清得來又優雅

左：藍綠色鍊咀望落好特別和舒服, 係捷克買的; 右：紫色閃粉星星本來係耳環, 但越睇越誇張, 都係加條黑鍊做頸鍊順眼d

上述的鍊由$10到$79不等, 冇一條超過$80, 買多幾條都唔內疚, !!

本來將d鍊求其放埋一齊, 好亂又難搵, 啱啱有盒食完的朱古力內盒, 用來分隔d鍊, 一目了然又環保, 重有個透明蓋蓋住, 可以防塵